قائمة مطاعم الثقب الأسود
بث تجريبى
بث تجريبى
بالمناسبة ده مش هاوهاو ده صورة أنا جايبها من عالنت
هاو هاو
الشهير بـ عم رزق الكبابجى
الشهير بـ عم رزق الكبابجى
العنوان:ش ماعرفش اسمه على ناصيته حلوانى متفرع من ش الشيخ ريحان فى عابدين
المأكولات:المفروض إنه كبابجى بس كل اللى بيروحله بياكل كفتة وطرب جملى هو مبدئيا بيقول إنها جملى إنما الحقيقة إيه ماحدش يعرفها إلا اللى خلقنا وخلق الكلاب والحمير والقطط.....إلخ .
ننصح بـ:رغيف كفتة بـ 3 جنية يحتوى على 3أسياخ كفتة ,رغيف طرب بـ 4 جنيه يحتوى على 4 صوابع طرب إنما إيييييييه (مُكن) دة بالعيش والسلطات يعنى الإجمالى 7 جنيه وجبة تمام تقوم بعدها (عنتشر زمانك) وماتنساش جنيه "التبس" للواد اللى تحس أنك تموت وتحميه بإيدك فى مية مغلية لعل وعسى إنه ينضف.
طبعا إوعى تسوللك نفسك وتعيش فى دور إبن الناس وتهوب ناحية اللحمة اللى بيقول إنها ضانى عشان ساعتها هاتكون زى اللى رقصوا عالسلم لو عايز تاكل كباب وكفتة بجد استنة وانا هاظبطك كمان شوية.
نبذة مختصرة عن المحل
هاو هاو دة بقى تاريخ طويل
أول مرة دخلت فيها المحل ده وأكلت فيه كان من سنين طويلة ومن يومها وانا ماتخيلش بنى آدم أنا أعرفه ماودتهوش هناك من اصحاب وزمايل وأهلى أما هو فراجل الله يمسيه بالخير زى العسل وبيحبنا لأننا عشرة عمر وبنفكره بأيام الخير وولاده همه اللى ماسكين المحل بداله دالوقت।
أول مرة دخلت فيها المحل ده وأكلت فيه كان من سنين طويلة ومن يومها وانا ماتخيلش بنى آدم أنا أعرفه ماودتهوش هناك من اصحاب وزمايل وأهلى أما هو فراجل الله يمسيه بالخير زى العسل وبيحبنا لأننا عشرة عمر وبنفكره بأيام الخير وولاده همه اللى ماسكين المحل بداله دالوقت।
نرحب باقتراحاتكم
مصطفى
هناك ٦ تعليقات:
اولا مبروك ع الثقب الاسود
ثانيا شكرا على النصايح المطعمية الجميلة دي
بداية الف مبروك علي مدونة الثقب
سمعت عنكم كثيرا
وكم تمنيت ان التقى بكل اصحاب الثقب فانا اعرف منهم الكثير
بس المهم اذا اتيحت لي الفرصة بالالتقاء بكم اتمنى ان تكون في مطعم غير مطعم عم هاو هاو
السلام عليكم ياصافي ايه ياعم المدونات الجامد ده !!!
الى الامام لاثراء الامن الغذائي ونحن في انتظار المزيد عن - البرنس - بلبع - وابو رامي وغير ابورامي وغيره وغيره
بالمناسبة ياصفصف مين اختنا في الله هند
اخوكم سيكا
يا سلام يا مصطفى يا مزاجانجي
والله وانت بتتكلم حسيت اني باتفرج على برنامج الشيف صافي
يا ريت ما تنساش انا برضه بنروح ناكل في مطاعم ليها براند نيم؛ على سبيل المثال:
حودة الجُندُل - سيد صواريخ - المشتهري - مكرونة رضا - بابا عبده - سندوتشات ماجيك - عريبة الفول اللي على ناصية ترعة الزمر - الجحش - الركيب - حبايب السيدة - ابن حميدو - اسماك وادي النيل - كفتة شعراوي - حضر موت - السمار - الحربي - . . وغيرهم كتير وكتير بس بيني وبينك انا جعت بعد ما افتكرت الناس الأكابر دول
هاغسل ايدي وآكل وبعدين نكمل بعد الحلو اللي غالباً هايكون من الكرنك
طبعا يادرش أنت خير من يوكل له الحديث عن مغامرات الثقب مع الأكل وخبراتهم اللي لا تقارن بالمطاعم
لانك طبعا صاحب النصيب الوافر في طلب أن اننا ناكل مع بعض خصوصا وانت في كامل فورمتك اليومين دول من غير الرجيم
وقول يا درش واحنا وراك
والله يا جماعة إحنا لسة بنسخن والتقيل لسة جاى ورا
عموما ربنا يدينا الصحة وطولة العمر ونقدر نثرى المجتمع الجعان..آه..آسف الهفتان ده
واحنا بنعمل ده كله عشان مين ؟؟
هاااا؟؟
ماحدش بيرد علية ليييه؟
بنعمل ده كله عشان ميييين؟؟
عشان مااااصر
واللى مالوش خير فى حاتم (ومشيها حاتم)
يبقى مالوش خير فى مصر
وتحيا مصر يا عم
مصطفى
إرسال تعليق