١٧ ديسمبر ٢٠٠٧

تهنئة وعتاب


مدونة شلة الثقب الأسود تهنئ أعضاءها الكرام والأمة الإسلامية بأسرها بعيد الأضحى المبارك .....وكل عام وأنتم بخير

ونذكر الأعضاء الكرام بعقيقة الأستاذ \ عمر أفندى نجل العضو باسم التوربينى (الشهير بـ باسم الشربينى) رابع يوم عيد الأضحى المبارك


ومش ممكن بقى يا جماعة التنفيض اللى انتوا منفضينه للمدونة ده
بقى أنا (أمءء - أمقق -­ أمأأ - أمءأ ...وانتوا اختارولكوا واحدة منهم) عينية فى الكتابة عشان أعملكوا زخم إعلامى و ثقافى ثقبوى وانتوا ولا انتوا هنا ..لازم أكتبلكوا كلام كبير ومجعلص يعنى عشان تعبروها؟

ماااااااااااااااشى

تاءاااات المستقبل ولولميات المرحلة القادمة
الإصلاح ..الإصلاح.. يا إما تجيبولنا صلاح ..أو انشراح
العولمة والأسلمة والزنئرة فى غياب المضمون
اليمين واليسار واللى فوق واللى تحت وهيييييييه حبة فوق وحبة تحت

هااا...أظن مافيش كلام أكبر من كده, جيبتلكوا كل الكلام الكبير

ياللا أدخلوا بقى واطحنوا فى الجدل الفكرى بتاعكوا احتمال تكون فتحة خير عالمدونة ونلاقيلها زباين.

مصطفى

هناك ٣ تعليقات:

عبدالمنعم محمود يقول...

اي خدموة يا عم مصطفي
اعلان ببلاش اهو

هند محسن يقول...

السلام عليكم ورحمة الله و بركاته
إزيكم يا ثقبوية ؟

أولاً :على فكرة عاجباني شلتكم وإسمها قوي
وثانياً :بأحيي أ/ مصطفى - أظن إنه مصطفى محمود - على أغنيته "سامعة" بجد تحفة قوي
ثالثاً :عايزة أسألكم سؤالين ويا ريت تجاوبوا كلكم عليهم
* ليه كل الإسكندرنية بيعشقوا إسكندرية كده ؟
* ليه مش مهتمين أكتر بالمدونة ؟

أختكم في الله
هند

غير معرف يقول...

السلام عليكم يا هند
أولا على حد علمى إن "المصراوية" بيحبوا اسكندرية أكتر من الإسكندرانية

ثانيا : احنا ابتدينا نهتم اهو ويااااااامسهل


مصطفى