12 يناير 2008

محمود صلاح جاب آآآآآآآآآآآدم يا رجااالة


إدارة الثقب الأسود وجميع لجانه الرئيسية و الفرعية وكل عشاق التهييس يتقدمون إلى العضو العامل (عامل إيه مش عارف) محمود صلاح بخالص التهانى على المولود الجديد آدم (وطبعا مش لازم نقوللكو إنه ولد أظن باين من الاسم ) ونهتف جميعا من قلوبنا موجهين التهنئة لأخينا ( إوعى الأسماء الخمسة ) و ف بق وااااحد
بورك لك فى الموهوب
وشكرت الواهب
ورزقت بره
وبلغ أشده
أما بالنسبة للهدايا والنقوط وماشابه فبالتحويل على حساب الثقب فى بنوك سويسرا والأرقام معروفة طبعا

أما بالنسبة لموضوع البامبرز يا أستاذ محمود فأنا عايزك كل مايجيلك قرشين نقوط تروح تشتريلك عبوة بامبرز حجم عائلى علشان حاجتين أولا : إن سعره دايما فى الطالع
ثانيا : إن ها يبقى موقف محرج موت لو مراتك قالتلك إن عبوة البامبرز فاضل فيها واحدة فهاتلنا عبوة كبييييرة وانت جاى من الشغل يا حودة وانت فى هذا الوقت مفلسسسسسسسس

صدقنى ساعتها هاتندم أشد الندم على الجواز واللى عايزينه والخلفة واللى بيخلفوها
وكما قال الشاعر
القرش لبيض ينفع فى اليوم اللى الواد بطنه سايبة فيه

أخوك


دى حاجة بسيطة بس للتذكرة يابو صلاح يابن الناظر

هناك تعليقان (2):

الكواكبي يقول...

الف الف مبروك يا ابو صلاح
انا وصيت "علي علبة" يبقى يحط في قايمة المشاريب لبن بودرة S-26 علشان النونو لما يشرف معاك يلاقي حاجة يضربها

انا سعيد ان الجيل الثاني من الثقب بدأ يتشكل بمجهودات رجالة الثقب الجبارة وبجهدهم الدؤوب والمستمر للمحافظة على بقاء العرق الثقبوي رغم محاولات التصفية والتطهير الت يتمارسها عليه قوى الخارج والداخل
وفقكم الله يا رجال الثقب الى مزيد من الجهد والإنتاج

mostafamahmod يقول...

الله أكبر على المجهودات الجبارة

والسعى الدؤوب

إيه العظمة دى يا رجالة

عااااش.....عااااش يا رجالة