٢٠ سبتمبر ٢٠٠٧

بث تجريبي للثقب الأسود

بث تجريبي لمدونة الثقب الأسود

الإفطار السنوي للثقب الأسود
يتشرف مجلس قيادة الثقب الأسود - القيادة القطرية - بدعوة كل الإخوة الثقباوية لحضور حفل الإفطار السنوي والذي يعقد هذا العام على شرف صحة الرئيس وانه طلع زي الفل وابتهاجاً بحبس اربع رؤساء تحرير مرة واحدة واستغلالاً لفرصة ان افطار الاخوان السنوي اتلغى لما يشكله من تهديد للأمن الغذائي المصري وهو ما سيعطي لإفطار الثقب الأسود زخماً إعلامياً وسياسياً قوياً
حفل الإفطار سيحضره ممثلون من شتى انحاء القطر المصري من أسوان جنوباً وحتى الاسكندرية شمالاً مروراً بمناطق امبابة والبدرشين والصف وحلوان وشبرا ومصر الجديدة والمهندسين والعجوزة والشيخ زايد وأكتوبر والهرم وفيصل وعابدين وهو ما سينجم عنه بعض الاختناقات المرورية على رأي المقدم أحمد عاصم بتاع البرنامج الشهير صباح الخير يا ثقب
الحضور بدعوات تليفونية. . يعني مش أي واحد معدي سمع ان فيه فطار يرمي الهلب وييجي يخنقنا

هناك ٤ تعليقات:

mahmoud salah يقول...

يا جماعة الثقب الكرام انا مرضتش انكد عليكو امبارح-فى الافطار يعنى- عشان احنا متعودين على الاماكن الشعبوية والمفتوحة وخلافة فين الزند وورقة لحمة والارز ابو خلطة بالمكسرات والمشاوى والطواجن _ وطريقة اكلة ابو لهب_ هى دى الحياة .
لكن اروح اتزنق ما بين شوكة وسكينة وموسوموسو وأوبن بوفيه انا شايف ان ده تحول فى ثوابت الثقب.
يا ثقباوية, سقطة لا تتكرر ارجوكم.
وبصراحة..........الاكل كااااان وحش يا جدعان.

الكواكبي يقول...

العضو محمود
احب افكرك انك عضو زي اي عضو
وما يصحش الأعضاء تعض في بعضها
يا عم الأسد الزند والمحشي والرز ابو خلطة مراتتنا هما اللي عاملينه ومش كل مرة تسلم الجرة
وبالتالي كان لازم نضحي بالزند والضلع والشيش طاووق والبانيه علشان نقدر نعيش
وبعدين انت اتجوزت يا حودة وعارف التداعيات اممكن حدوثها أقلها أي زوجة زوجها منتمي للثقب ممكن تزود السيانيد في الأكل علشان يدي له طعم مزز
لو مش عارف السيانيد اسأل المشير عبدالحكيم عامر الله يرحمه

عمر أفندى و أبووه يقول...



يا ثقباوية ...اه يا للى قاعدين شوية ...اه يا للىلى...حاجة من اللى هية ...اه يا للى لى

و الله وحشنى جدا يا شباب الثقب الاشاوس...و مفتقد القعدة الحلوة دى جدا ...و كمان اللى اتعمل فى احمد زين من سنتين و احنا فى اعالى جبل المقطم فى افطار الثقب السنوى و كلمنهاه علشان يشاركنا اللحظة من قطر ...جه اليوم اللى ابقى انا اللى بتكلمونى فيهاو نا فى السودان الشقيق...

بجد سعدت جدا بالمكالمة دى و بشكر غزلان جدا انه افتكرنى و فرحان بان افطارنا متلغاش زى باقى الافطارات اللى بتتلغى دى...

انما قلقان و قلقى ده نقلهولى محمود من تعليقه ...ايه موضوع الشوك و الساكين ده يا رجالة احنا بتوع الكلام ده برضه...لا ازعل....ده حتى و احنا فى نادى دريم فى حفل الثقب الاجتماعى مكنشى فى شوك و سكاكين و حافظنا على مبدائنا...

طمنونى و عايز صور الحفل تنزل

سؤال هام...هل من حق اى حد من اعضاء الثقب يدلو بدلوه فى المدونة دى ...يعنى لو عندى صورتين لفطار الزند و ورقة اللحم اللى محمود كان بيفكرنا بيه و عايز ارفعهم اعمل ايه

الكواكبي يقول...

ازيك يا بسوم
ابعت اللي عندك على althoqb@gmail.com